Ommaviy oferta

Oxirgi tahrir: 2026-yil 6-noyabr

1. Umumiy qoidalar

Ushbu hujjat "ONESS B GROUP" MCHJ (keyingi o'rinlarda «Ijrochi») tomonidan eassy.uz sayti orqali taklif etilayotgan EASSY onlayn platformasiga (keyingi o'rinlarda «Platforma») pullik kirish huquqini berish bo'yicha ommaviy oferta hisoblanadi.
Ro'yxatdan o'tgan yoki tarifni to'lagan har qanday shaxs (keyingi o'rinlarda «Buyurtmachi») ushbu oferta shartlarini to'liq va so'zsiz qabul qilgan hisoblanadi (aksept). Aksept qilingan oferta yozma shaklda tuzilgan shartnomaga tenglashtiriladi.
To'lovdan oldin Buyurtmachi ushbu oferta bilan tanishib chiqishi shart. To'lov qilish oferta bilan tanishib chiqilganini va unga rozilikni bildiradi.

Ijrochi Buyurtmachiga tanlangan tarif doirasida rus tilini o'rganish uchun raqamli xizmatlarga kirish huquqini beradi: grammatika mashqlari, AI bilan ovozli suhbat, testlar va Platformadagi boshqa bo'limlar. Buyurtmachi ushbu xizmat uchun haq to'laydi.
Kirish muddati tanlangan tarifga bog'liq va to'lov tasdiqlangan paytdan boshlab hisoblanadi. Muddat Buyurtmachi Platformadan foydalanadimi yoki yo'qmi, uzluksiz o'tadi. Kirishni muzlatish nazarda tutilmagan.
Bepul sinov muddati va sharti saytda ko'rsatiladi. Bir raqam uchun bir marta beriladi.

Amaldagi tariflar va narxlar saytda O'zbekiston so'mida ko'rsatiladi.
To'lov Payme, Click, Paylov yoki Ijrochi taklif etgan boshqa usullar orqali amalga oshiriladi. Karta ma'lumotlari Ijrochi tomonidan saqlanmaydi.
Kirish huquqi to'lov tasdiqlangach tarif muddatiga ochiladi va bu haqda Buyurtmachi ko'rsatgan elektron pochtaga xat yuboriladi.

Xizmat raqamli kontentga kirish huquqi ko'rinishida taqdim etiladi. Kirish ochilgan paytdan boshlab xizmat ko'rsatilgan hisoblanadi.
To'lov faqat qaytarish tartibida ko'rsatilgan Platforma talablari bajarilgan bo'lsa qaytariladi. Talablar bajarilmagan bo'lsa, jumladan Buyurtmachi Platformadan foydalanmagan yoki o'qishni davom ettirmaslikka qaror qilgan hollarda, to'langan mablag' qaytarilmaydi.
To'lov amalga oshirilgan bo'lsa-yu, kirish huquqi berilmagan yoki to'lov texnik xato tufayli ikki marta o'tgan bo'lsa, Buyurtmachi ortiqcha to'langan summani qaytarishni so'rab murojaat qilishi mumkin.

Ijrochi: to'lovdan so'ng kirish huquqini taqdim etadi, Platformaning ishlashini ta'minlaydi, texnik nosozliklarni imkon qadar tez bartaraf etadi.
Ijrochi Platforma mazmunini sifatini oshirish maqsadida, umumiy hajmini kamaytirmagan holda yangilash huquqiga ega.
Buyurtmachi: login va parolini uchinchi shaxslarga bermaydi, materiallarni nusxalamaydi, tarqatmaydi va sotmaydi.
Ushbu qoidalar buzilganda Ijrochi Buyurtmachining kirish huquqini to'lovni qaytarmasdan bekor qilishga haqli.

Platformadagi barcha darslar, matnlar va materiallar Ijrochining intellektual mulki hisoblanadi. Buyurtmachiga ulardan faqat shaxsiy o'qish maqsadida foydalanish huquqi beriladi.

O'quv natijasi Buyurtmachining mehnati va amaliyotiga bog'liq. Ijrochi ishga joylashish yoki imtihon natijasini kafolatlamaydi.
Ijrochi Buyurtmachining internet aloqasi, qurilmasi yoki mikrofoni bilan bog'liq muammolar uchun javobgar emas.
Fors-major holatlarida (tabiiy ofat, davlat organlari qarorlari, keng ko'lamli texnik uzilishlar) tomonlar majburiyatlarni bajarmaganlik uchun javobgarlikdan ozod qilinadi.

Nizolar avvalo muzokaralar yo'li bilan hal qilinadi. Ijrochi murojaatni 10 ish kuni ichida ko'rib chiqadi.
Kelishuvga erishilmasa, nizo O'zbekiston Respublikasi qonunchiligiga muvofiq Toshkent shahridagi tegishli sudda ko'rib chiqiladi.

Oferta aksept qilingan paytdan kuchga kiradi va kirish huquqi muddati tugaguniga qadar amal qiladi.
Ijrochi oferta shartlarini o'zgartirish huquqiga ega. Yangi tahrir saytda e'lon qilingan paytdan kuchga kiradi va avval to'lov qilgan Buyurtmachilarga nisbatan qo'llanilmaydi.